Cookies

This site uses cookies that need consent.

Skip to content
Header Hintergrundbild
Header Hintergrundbild
Header Hintergrundbild

Mithilf Sponsoring bi de Fasnachtsgsellschaft Rhyfälde

Du hesch Freud am kunterbunte Fasnachtstribe, willsch mithälfe ä tolli Fasnacht in unsere Altstadt uf d’Bei z’stelle und imene igspielte Team zäme schaffe? Denn schliess di uns a und mach mit!

Unses gmeinsame Ziel

Mir bereite i de Altstadt Rhyfälde ä 4-tägigs Fescht vor. Mir organisiere die gsamti Feschtmeile mit TOP-Unterhaltig. Mehreri Umzüg durch d’Gasse, Schnitzelbänk i de Beize, Chinderfasnacht und vieli Guggekonzärt träge zu de tolle Schtimmig bi. Es chömme vo Noh und Färn vieli Bsuecher:inne und Gastgugge, wo mit uns die 5. Johreszyt gniesse.

Das chasch du bewirke

  • Du unterstützisch de Vorstand vo de Fasnachtsgsellschaft Rhyfälde (FGR) bi de Akquisition vo Sponsore und Inseränte

  • Kontaktufnahm und Kontaktpfläg mit de Sponsore

  • Bekanntmachig vo unsem neue Sponsoringkonzept in de Region Rhyfälde

  • Korräkti Uftragsführig und -ablag, demit d’Kolleg:inne für witeri Ufgabe druf zuegriffe chönned

Das bringsch du mit

  • Freud a de Fasnacht in unsere Altstadt vo Rhyfälde

  • Bereitschaft zu gwüssehafter und sälbständiger Mitarbeit

  • Gueti Kenntnis im MS Office und wenn möglich witere Uftragstool (z.B. Asana)

  • Offeni und ufgschtellti Art gegenüber Chund:inne und Kolleg:inne

Hesch du Froge?

info@rheinfelderfasnacht.ch oder lütisch am Beschte eine vo de 2 Herre unde ah.

Bild von Joël Lässer
El Presidente

Joël «Lässi» Lässer

Mail
Telefon

Meine Motivation

Von Rheinfelden für Rheinfelden!

Miteinander machen wir die Fasnacht zu einem Erlebnis für Alle!

Auf Bewährtem aufbauen und Neues ausprobieren - der Mix macht's!

Zämä besser - besser zämä! 

Meine Geschichte

Schon als Kind auf dem Cliquen-Wagen der Eltern unterwegs, wurde ich früh vom Virus der 5. Jahreszeit erfasst und habe später den Weg via Bühne, pioniermässiger Räp-Cliquencombo und Einsatz für die Kinderfasnacht zum Kern der Rheinfelder Fasnacht gefunden.

Bild von Marcello Flückiger
El Vizepresidente

Marcello «BePe Marcello» Flückiger

Mail
Telefon

Meine Motivation

Rhyfälder Altstadt söll je länger je mehr ä Fasnacht erläbe, wo wyt über's Fricktal us bekannt isch. Alli Gäscht und Zueschauer erinnere sich gärn a die tolli Schtimmig innerhalb vo de Altstadtmuure und bsueche die ältischti Zähringerstadt au gärn wieder emol i de andere 4 Johreszyte.

Meine Geschichte

Als Präsi vo de BePe Rhyfälde bin i die ganze 4 Fasnachtsdäg i Rhyfälde unterwegs und gniess unsri kunterbunti Fasnacht.

Dorum schtartisch du mit uns!

  • Mir sind ä tolli Gruppe wo eis vo de gröschte Fescht in Rhyfälde uf d’Bei schtellt

  • Mir biete dir sehr gueti Unterstützig und e klari Uftragsübersicht

  • Du chasch a jedem Fasnachtsalass in Rhyfälde gratis teilneh